صباح الخير يا دنيا

صباح الخير يا دنيا … بقولها فى كل صباح

صباح الخير على الأمل … اللى فارد بساط الأفراح

صباح الخير على الجمال … يا كل خل وكل خال

يا قلوب بتغنى السماح … صباح الخير يا دنيا

صباحك معطر يا ورد الجناين .. من كل شكل وكل لون

صحبه جميلة … ودى فله مالت على الياسمينه

قالت ما يهم لونا ولا أسامينا .. انا وانتى عطايا رب مسوينا

وصباح الخير يا دنيا

صباح الخير يا أرضنا الكبيرة … الغالية الأصيلة

ياللى مجمعة البشر أسرة وعيله

ده أبيض وده أسمرانى .. ولونهم ما يفرق فى الضحكة الجميلة

لو روحنا الشمال ولا الجنوب .. وان كانت الرحلة علينا طويلة

ما نحس بغربة ويا الأحبه .. كلنا حبايب جوه خميلة

صباح الخير يا دنيا

ما أحلى سماكى وتغريد العنادل وغنى الطيور

والأرض الوفية .. الحبيبة السخية بخيرها الكتير

ياجنة خلقها السبحان .. يا آية من الرحمن

أرض وسما وقمر سهران … وبحور مزيناها الشطآن

وجبال بتحضن الوديان .. وربوع خضرة فى كل مكان

ومالك بس يا إنسان … ليه مهموم … ليه حيران ؟

أتأمل فى عطايا المنان …. دى المية قدامك وليه عطشان

الحق سمعنا أجمل الألحان …. نادانا وركعنا خضوع وإيمان

وفرح قلوبنا فى كل زمان …. ما قصر ولا عز علينا العرفان

وأنت يا صاحب القلب والوجدان .. ديمآ طاغى .. ديمآ عصيان

وصباح الخير يا دنيا

صباح الخير يا قلوب يا طيبة .. ليل الغربة عدى والأمانى قريبة

فات اللى فات من بكى وآنين .. ما شفنا من الماضى غير مر السنين

وبكرة جاى بكل حنين .. يلم شملنا ويقوي حبنا .. ونعاهد ربنا العهد الأمين

وتهون الليالى وعذابها اللى عدى .. ما نلقى ما بينا غير ألفة ومودة

وتغرب شمسنا وهى بتقول … راجعة لكم من تانى يا ناس يا طيبين

صباح الخير يا دنيا